مسخوط الوالدين

مسخوط الوالدين

ماتشوف اربح معاه
ديما اقدامو منحوسين
حيث مخاوي ابليس
دارلو لجامو واشكالو
راه الشيطان غواه
برفاقت السوء بحالو
ماحسن بوالديه
عادو شياب بفعالو
مرضي الوالدين
بار بيهوم الاثنين
الميمة والبو لحنين
ديما ارضاهوم معاه
عمر الشر مايلقاه
مسخوط الوالدين
عند راسو ايقول اكبير
اوعند الناس احقير
ساقط عقلو صغير
مغرور ماداري حالو
ديما الناس تنعت فيه
لغدر باين في عينيه
كل من راه ايلوم عليه
ايشتم وانعل خصالو
مرضي الوالدين
متواضع مايقول انا
فقير كرشو شبعانة
معاه الله ديما فحماه
طريق الخير ديما تلقاه
مسخوط الوالدين
عمر حالو مايزيان
غير زايد فالعصيان
غاضب عليه الرحمان
يوم الحساب يوزن اعمالو
مرضي الوالدين
هو ديما مبشور
نور على نور
ديما ايفكر في سواه
ويحسن لمن رباه
ياربي رد بعبادك
عمر قلبهوم بايمانك
من دار الشر فالدنيا
هناك عندك حسابو
من دار الخير هنيا
لفعالو واصوابو

CHOKRAN LARSAD 3ALA LORNYA RAE3A